飛熊有facebook page架!!

我有個facebook page架!!
內容有時同blog唔同架 :)
大家不防去睇下比個like我啦~~~~
感謝大家支持~~~~~~~~~
https://www.facebook.com/flyingbeardiary

CX interview的各種迷思 下

1. 我會考/DSE唔夠五科合格 (包括中或英 尤其英文唔合格) CX會唔會唔請我架?
-----------------------------------------------------------------------------------------------
如果你考完會考/DSE後有繼續進修 而獲得ge學歷又等同會考/DSE五科合格的話 我個人覺得CX會照in你
但如果你係無繼續進修的話 我個人覺得CX連in都唔會in你 除非你有幾年ge返工經驗 仲要最好係同客戶服務有關啦
由我interview到識左而家d同學 再加上有n個朋友係CX做緊/做過
無一個人同我講過佢i或佢d朋友得中學學歷 
最低學歷果個都asso讀完year1就無讀
其實有心投向航空服務業係好事 但大公司點解要請一個得中學學歷 (但都唔夠五科合格)ge人?
雖然呢份工唔係淨係睇學歷 但當同你一齊in ge人有asso/high dip畢業 有大學畢業 有外國回流學生 有在職FA人士 有轉工人士
我認為大公司第一樣從你網上比較ge就係申請人ge學歷
既然想投身航空服務業 不如搵d機構/學校有關航空服務業ge課程讀左先
再邊搵份客戶服務業ge part-time做下 好好裝備自己
當然你亦可以嘗試申請 如果CX真係叫你去interview
咁梗係用盡力完成interview啦!

2. 死啦我final in唔想比killer in呀 我實in唔到架
-----------------------------------------------------------------------------------------------
有d interviewer嚴d 有d interviewer無咁嚴 係真的
但我都係果句: in完pass你ge咪唔係killer囉 fail你ge咪killer囉
邊個in你都好 唔好驚 盡力答

3. final in無passage同comics 係咪代表fail?
-----------------------------------------------------------------------------------------------
我個人覺得99.9999999%係
雖然CX張紙仔係話6個星期內無消息先係正式fail
我亦聽過有d case係in完無passage comics MA 但之後會收到CX call佢返去re-final 但呢d case比較少d
因為如果interviewer覺得你ok的話 佢會即場叫你讀埋passage comics
然後佢會話你知因咩問題你今次唔pass但佢比機會你re-final
好多時都係因為EA做得差或唔合格
如果interviewer覺得你合適的話 佢無必要唔即時叫你讀埋passage comics 無理由又無啦啦call你第二日返唻先做
當然去到收reject mail先代表100% fail啦

4. 死啦我MA做得好差 會唔會唔請我?
-----------------------------------------------------------------------------------------------
我聽聞過MA個分唔會影響CX請唔請你
佢只係想睇下邊d人普通話叻d
咁叻d果d 第日就有機會係機上做普通話PA

5. 有MA做即係代表有body check call?
-----------------------------------------------------------------------------------------------
唔係
我聽過幾個人做完MA收唔到body check call 但我唔知點解
我估可能因為HR睇漏左佢
或者因為有太多人pass final in interviewers再從中揀合適ge人
in到呢個地步 有心做CX FA ge你都好應該打去HR問下

6. MA後幾耐有bc call? bc後又幾耐有offer call?
-----------------------------------------------------------------------------------------------
唔定架 可能三日至幾星期
一日未收到reject mail都姐係仲處理緊你個申請

7. 我有backbone側彎呀/ 我血個鐵好低呀/ 我有疤痕呀/ 我比較肥呀/ 我細個做過手術呀/ 我個身體點點點呀 點算呀CX會唔會唔請我呀?
-----------------------------------------------------------------------------------------------
唔知呀!!!!!!!! 呢d野係問醫生架 係由醫生檢查過 觀察過 先決定架!!!!!!
呢d係專業知識呀!!!!!!!!!!!!!!!!
有咩等做埋body check先算啦!!!!!!!!!!!!到時要做follow up check先做啦
我淨係知手腕有疤佢好大機會叫你見一見心理醫生寫份report
我淨係知鐵低ge人可以食d菠菜呀紅肉呀飲紅棗水
我唔知CX會唔會因為咁唔請你呀!!!!!!!!!!!!!!!!!!!!!

暫時諗到ge所有迷思我已經同大家分享完畢
如果忽然諗到d咩要補充ge
就再同大家分享啦

[CX interview 的各種迷思 上]

由準備interview到而家開左呢個page同大家分享interview經歷 

發現左幾種有關interview ge迷思 今日就想同大家分享一部分先 ;)

1. 點解我上網申請左但國泰過左幾日仲未打比我ge?

    通常上網申請後一至四日就會收到CX HR電話

    但講真 每日CX HR要處理咁多人 

    包括啱啱上網申請架啦 約bc call架啦 約refinal架啦 約簽約架啦

    睇漏一個半個真係唔出奇 但係應唔應該咁就直接打去HR問呢?

    唔應該 唔係禮唔禮貌ge問題 而係點解人地HR要幫你咁直接咁處理?

    應該先用另一個email再申請多次先 如果都係等唔到電話

    先搵下有無CX email send左email問左先

    我無記錯的話 CX個網係有果個email ge

    email都唔覆你ge話 先打去問都未遲

2. 我d英文好差架喎 國泰會唔會因為咁唔請我

    講真 請同唔請機會率各佔一半 一係請 一係唔請架姐

    好啦 如果你問朋友或問做過/緊CX ge人

    人地真係答你: 唔請架CX唔會請你 

    你係咪就唔去見工呀?! 如果係的話 咁就請你唔好去in啦 

    比d信心自己! 英文好ge人當然可以所有interviews入面順利咁表達自己

    又唔洗驚english assessment會唔識做唔合格

    但CX唔係淨係睇你英文好唔好 而係睇你有無禮貌有無笑容大唔大方

    比你係外國回流返唻 英文講到laklak聲咁又點?

    你霸晒成個presentation唔比其他人講野 CX一定fail你

    如果對自己英文真係無咩信心ge 係interview之前比足心機去預備囉

    讀下報紙呀 睇下邊d英文字/句係經常係presentation中係用得著ge :)

3. 我上次in過但fail左 好唔好係半年內再申請再in呢?

    唔好 CX都講到明要等半年後先可以再申請過

    無謂去犯呢條規定啦

    加上HR係一定check到你幾耐之前申請過

4. 我first in抽唔中我想講果樣題目呀 所以咪口窒窒fail左囉

    唔好賴人啦 唔好賴唔好彩抽到個爛題目

    個個題目都一定有野講! 係 一 定 有!

    如果個題目真係唔係自己心手果個 係discussion果時盡量迫自己諗多

    d可以講ge野 如果真係諗唔到 睇下其他組員幫唔幫到你 ;)

    如果真係得好少point可以講ge present果時淡定d 講慢少少 

    盡量elaborate d points 咁咪無野講變到好似好多野講咁囉 ;)

5. 唉我無CS經驗架 好驚second in會fail

    我都無CS經驗 我都有過呢方面ge擔心

    但CX係second in role play時唔係只著重你個處理投訴方法啱定唔啱

    我甚至覺得係佢地唔會理你個處理手法啱定唔啱 

    當然你唔好無譜到人地投訴個地濕整親隻腳 你去解釋哦因為啱啱落完

    雨唔關我地事啦 -_-

    其實呢part都係睇你有無禮貌同埋有無真正聆聽客人需要

    最緊要當然係要道歉tim 同埋笑! 人地話緊仔投訴緊你都要笑

    即使你個處理方法係合理 但係你唔笑仲黑口黑面的話 實fail你

    同埋盡量講多d野啦role play果時 

    唔係叫你霸住個role play唔比partner講 而係人地有投訴你盡量應人

    同埋盡量同partner講野次數要平均少少 亦要互相幫忙

好啦 今次打住咁多先 :) 仲有幾個迷思留返下次打 ;)

CX-Offer Call

做完BC後 你千其唔好希望會係兩三之內收到國泰或者診所call
因為咁樣分分鐘代表你個BC查到你個身體出現左咩問題
要你出去外面d診所做follow up check 再fax medical report比診所~

但等左三日之後 開始日盼夜盼快d收到offer call
等左大約9-10日 有一日朝早十一點幾終於收到國泰offer call啦 :)
HR姐姐會講低幾個好重要ge日子 同埋同你對下資料咁
之後佢就會send個email比你 內容包括你簽約果日要帶d咩呀咁啦
我唔係呢度詳細講啦 :)

如果佢比你果班你有事上唔到的話 可以照直同佢講
但佢唔會立刻問你第二班得唔得 佢會叫你再等call
所以都盡量遷就啦 ;)

CX-Body Check

講真 我成個interview流程最憎係等電話!!!!! .V.
因為永遠唔知HR幾時打比你 等得耐又無理由打去HR係咁問人
只能夠不停等 無了期咁等

但好幸運地!
Final in後第二日11點幾我已經收到bc call :D
又係我起身後一分鐘牙都未刷電話就震了 :D

HR會約你日期同時間 你有事唔ok ge可以立刻同佢講
如果你計過 果時會唻緊m或者係m完後3日內
都 唔 可 以 做 body check 
如果你病緊食緊藥 body check前兩日就要停藥
body check果日咁啱病左 都 唔 可 以 做 body check 
因為全部都會影響測尿結果
你惟一可以做ge就係約過另一個body check時間

HR會講一大輪野話你知診所位置同埋要帶d咩
記得搵紙筆寫低佢講ge野
記得搵返份針咭出唻 body check果日要帶埋去!

我收到BC call後6日就去BC啦 :) 今次又超級早...8:45am...次次都勁早
今次自己去 但唔知點解又係勁早8:15am就去到 -_-
又係去reception度登記拎個名牌先可以入國泰城
上左去診所度等 d人都未返工...

等等下d人返工了 亦都有三個女仔同我一樣時間BC
姑娘會比份野你填 有個人資料部分同身體狀況問卷
帶針咭去係因為要填你打過d咩針
問卷部份全英文 唔識個字點解就查字典啦

我交左問卷後填錯左少少野
呀姑娘都幾大聲咁叫我改返佢
雖然有d惡 但日日都係做同一樣ge野 比你都燥啦
所以都無咩野 姑娘們有效率姐

之後就等醫生叫名幫你抽血驗尿
我第一個去 因為我太急啦!自己舉左手話驗先 :p
驗尿記得聽清楚醫生指示 果日位醫生係斯里蘭卡人唻 d英文都幾難聽得明
我聽唔明所以我麻煩佢講多次 :D
驗尿係即時有結果架 驗到無啪丸就pass架啦
之後就抽血
我有記憶以唻都無比人抽過血 都有少少緊張 -_-
呀醫生好好 叫我緊張就唔好望 抽果下好似打針咁 唔係好痛 少少少少痛姐
抽好細枝架喳 之後貼返膠布就出返去繼續等
但呀醫生手勢麻麻 我個傷口瘀左成星期先變返正常

再唻就係一系列測試 包括
1. 驗眼
    有近視ge人請你果日 戴住副眼鏡去 唔好戴住副con去
     HR打比你地時會講明叫你戴眼鏡去 同時帶定你戴開ge con去比佢check check
    但果日無人睇過我副con合唔合適 不過照帶去啦!
    果日有個女仔  啱啱asso畢業果d 18 19歲女仔 戴住副color con去都算啦
    人地姑娘叫佢除con驗多次 再戴眼鏡驗多次 佢出到唻係咁呻個姑娘麻煩 -_-
    喂人地一早叫你戴眼鏡去 唔好戴con去
    自己比左麻煩人仲係度話人地麻煩加惡死 -_-
    唔好比無謂ge麻煩人 人地日日驗呢樣果樣一定唔會好心情好態度幫你驗
    驗眼係除眼鏡讀英文字 之後戴眼鏡再驗
    如果你副眼鏡度數唔啱搞到你睇唔到的話 你隨時要再去驗過
    驗近視後再驗你有無色盲

2. 驗耳
    姑娘會離遠用英文讀d數字出唻 會由大聲至細聲咁讀
    逐個數字聽到後再係你個位大聲地覆佢同一個數字就OK

3. 見醫生
    女仔除淨Bra同under 男仔除淨under 再著件袍去見醫生
    我果日係女醫生唻 我唔肯定會唔會男醫生負責
    女仔如果覺得唔想比男醫生檢查的話照直同姑娘講ok架啦
    因為你絕對有權利去揀男醫生定女醫生
    醫生會問下你d病歷 我就無ge
    如果你有的話 佢99%會叫你出外面d診所check多次再比extra         medical report佢 或者佢會問     返你拎以前d reports
    佢之後會check你耳壓 backbone 按下你個肚 手臂呀腳呀有無疤痕
    我聽過有人個手踭有勁大個疤痕 佢好擔心國泰因為咁唔請佢
    有人話如果制服遮到就ok 或者佢根本唔會理除左手腕以外ge疤痕~
    手腕有疤痕ge佢好大機會要求你見精神科醫生 睇下你係咪想自殺  佢要肯定你精神健康
    如果醫生覺得你身體有邊部份唔妥 佢都可能會叫你去外面d診所再檢查

4. 照x-ray照肺
    除晒上身衫著袍照肺x-ray 好快就照完

如果所有測試做完後 姑娘無叫你出去做follow-up check ge就走得架啦
佢會比張紙你同之前d公司填reference check 然後話你知如果無特別事 診所係唔會打比你
叫你等CX HR電話就可以架啦

果日都用左成三個鐘
成朝不停等同走唻走去做bc
跟住又係無了期咁等等等等電話

CX FA-真正打大佬Final In

Pass左first in second in 先係真真正正ge打大佬環節-Final in
講真 interviewer邊有時間係first in second in果短短幾分鐘去知你係一個咩人 睇你適唔適合國泰
final in 1對1 (有時2對1) interviewer先有時間真正去慢慢了解你係一個咩人
所以對待final in ge 態度真係要比first in second in時更加認真

距離first in second in 9日之後就係我ge final in
有d人隔3-4日就final in 有d就好似我咁隔成個幾星期
都唔會話遲d final in無咁著數ge
因為一唻要就返interviewer同HR時間
二唻早d考同遲d考都係咁考架啦
遲d考反而仲多d時間去準備tim!
所以大家唔洗介意自己早過人定遲過人final in :)

我report time係9:30am 好早...又要六點爬起身化妝梳頭-_-
有朋友陪我去ge關係 我又好早大約8:45am就返到國泰城啦 :)
係reception比身份證同上次張黃色紙登記返 佢就會比個名牌你 夾係個身度直至離開國泰城

我位朋友帶埋我去4/f先走 :) 4/f要拍職員證先入到架 如果你無朋友係國泰做 拍唔到你入去的話

企係出面等一陣等有人經過先入去啦

入到去就坐係梳化度等 等到咁上下HR職員就會出現 唔洗咁心急跟佢入房住架

因為每個time slot都有3-4個人in 佢會先處理早d ge time-slot先
我果朝有人係9點 咁佢會9點果幾個人自己逐個逐個行入去交文件呀對資料咁

要交ge文件都係果幾樣啦

身份證呀 passport呀 會考/高考/DSE/大學證書呀 update左ge resume

樣樣都重要 尤其係份resume 因為interviewer係會跟住你份resume去in你

所以千其唔好老作工作經驗呀學歷呀!

收完文件後HR職員會問你d簡單問題

我最記得ge就係佢問我有無做過輔警同有無興趣做地勤 兩樣我都答無

之後就會比篇中文文章你叫你用廣東話讀出唻

都係循例睇下你係咪文盲 識唔識講廣東話姐 唔需要太緊張 當平時讀書讀報紙咁就OK
之後佢就會叫你出返去繼續等

因為我係朝早in 所以我交完文件先見到d interviewers施施然咁出現

預備interview前上網都見到好多人話Miss W 係 killer 又話邊個邊個點點點
其實我都唔理架啦 Miss W pass你ge咪唔係killer囉 唔pass咪killer囉 換轉第二個interviewer都係咁架啦 加上其實我都唔識分佢地幾個 :D
都係另一位女仔果日話我知邊個係Miss W邊個係Miss A我先知
果日總共有4位interviewers 包括Miss A Miss W Mr T Mr P (男人名我可能有錯 因為我唔係100% sure)
Miss W 同 Mr P一齊in 姐係2對1 見到咁都幾驚>_<

我係9:30am果批 所以9:00am in先

in Miss W同Mr P果個女仔in左大約十分鐘就出左唻 無passage無comic無MA

in Mr T果個成功左 有MA
而in Miss A果個有re-final 但係係三個月後
我聽朋友講過 有個人都有re-final 但係係十幾日後

Miss A見完個女仔之後 佢就叫左我入房 :D

記得同interviewer打招呼 點頭+笑+講good morning

入到房interviewer講完自己係邊個之後就開始問問題

首先佢會叫你自我介紹 呢個人人都prep定架啦 無咩特別

之後問題流程我唔太記得 我只記得佢問過我 (全程英文 但方便大家睇我打中文出唻)

1. 點解想做FA? 你頭先話同你讀果科有關係 點樣有關係?

2. FA 有咩職責? 困難地方係咩?

3. 你講下你返緊果份part-time呀

4. 你份part-time唔係對客架喎 咁你對同事呀幾他員工有無咩特別經歷?

5. 做FA要洗廁所同清理嘔吐物架喎 你ok架啦?

6. 你覺得最難應付ge係咩客人呀?

我記得大約係咁樣 可能我無cs經驗 所以佢都無方法問得我太深入哈哈

好多人話Miss A  in人果時黑口黑面無笑容 我又覺得唔係呀 無表情係真ge
喂你試下日日就咁坐係度 聽幾十人講唻講去都係果三幅屁呀 係人都無表情啦
其實唔洗太介意interviewer無表情 甚至打喊路 因為佢地都係人 佢地都會攰
我就當同佢地傾計咁 盡量佢問你一條問題 你嘗試答多少少答長少少
唔好下下答一兩句就算 因為interviewer都係想知你係一個咩人
你答多d好過下下等佢問等佢challenge你 :)
坐係度男女仔都盡量唔好橋腳啦 拍埋腳坐直d
同埋最緊要講野大聲少少 比d信心 仲有笑 :D 打死都要笑 唔識答都要笑

答完問題後佢就直接叫我讀passage同comic

我回神過來先醒起咁姐係叫pass左final in 啦 :D
passage無咩難字 有少少時間比你準備 我讀果時都係當故仔咁讀 加d大細聲呀咁
Comic都有時間準備 我記晒d圖入腦 present果時反轉左佢 再用英文講返一次出唻
之後佢就問我覺得圖入面咁ge情況 我會點處理

之後佢就問我有無咩問題 我其實幾擔心下唔係叫我MA (姐係普通話測驗) ge?!

但我都有問問題 我問佢如果我今日FAIL左 你會比咩提議我下次做好d
Miss A話我CS無咩經驗 最好係呢方面加強下
之後佢就邀請我留低做MA同埋比左張紙我 :)
聽到咁先放心E起成棚牙笑到四萬咁口同佢握手講多謝先出返去
成個interview我估用左大約半個鐘啦 無mark實時間所以唔肯定

呢張綠色字係每人in完final in 無論你成唔成功都有ge

姐係無得讀passage無comic讀無MA做都有呢張紙仔
因為佢係話你知六個星期後都收唔到通知的話 先當係fail

我就覺得無passage無comic無MA都可以定為9成fail架啦

因為如果國泰覺得你合適ge 都唔需要再搵另一日叫HR再打比你約你返唻補返啦
日日咁多人in 大公司係唔需要浪費呢d時間

我都有聽過有人做完MA都收唔到body check call
我覺得係極少數例子 因為我聽聞MA個分係唔會影響佢請唔請你
只不過可能你MA高分的話 第日係飛機上多d機會做普通話PA

我亦聽過有人係四點幾final in之後因為HR果邊要放工

無人得閒幫佢做MA所以要第日再返唻做 :)

我出去等左一陣HR就有人帶我去做MA

果個位唔係一間房唻 只係有個位有d電腦有d板隔開一個個人咁
我去做果時有兩個人就做完

都係聽足指示做人啦 人地叫你開電腦開programme就跟足人地做

先做listening 又係邊睇題目邊聽邊做 因為d題目係錄音播完後好快就會消失跳去下一段

listening我覺得有少少難 可能因為我唔太專心啦haha

之後就係recording 首先詞同短句翻譯 會有兩分鐘預備 錄音有好似一分鐘

姐係例如佢會比 '蕃茄' 'temperature' 'Beijing International Airport' 你 你要將佢譯成普通話再錄音

做完呢part就係三分鐘說話錄音

包兩條題目 一條係叫你描述返佢比果幅圖 另一條係 '請分享一次旅行不愉快經歷'

有時間準備 但我唔記得幾多分鐘 講就限時三分鐘講晒兩條

預備recording時可以用紙筆抄低 :)候

成個MA用左大約半個鐘啦 我做果時得我一個 做完就有多兩個女仔入左唻 :)

由朝早八點幾到國泰城 中午已經走得 都叫快架啦

完成左FINAL IN之後又係等等等等body check call...

申請國泰職位最麻煩最浪費時間就係等call
因為你永遠都唔知HR幾時會再打比你 -_-

Facebook Page :D

我剛剛連fb page都開左 :)
因為貪fb upload相呀果d會快d!
我會盡量兩邊都upload的:)

請大家去比個like支持下啦 :)
https://www.facebook.com/flyingbeardiary

準備Final in

好多人first in second in完後一星期內 甚至3-4日後就會final in
但佢派比我果組ge日子大部分都係11日後
所以預備果個幾星期覺得時間真係過得好慢 -_-
我有朋友同我同一日first in second in但就足足早我5-6日final in
搞到BC我又遲過佢 班又遲足佢一班 -_-
不過算啦 就當要多少少時間唻準備final in都好ge :)

係Final in interviewer終於有機會一對一咁去'認識'你
所以應該花更多ge時間去預備
final in前我又問左好多朋友拎意見

佢地都係話問ge野係根據你份CV去問
如果做過CS工ge會問得好詳細
例如問你遇過d咩難頂ge客呀 咩叫CS呀咁
我無真正CS工作經驗 只係係補習班教過下同係主題公園返過back office part-time
我果時都好擔心國泰會唔會因為咁而唔請我
但朋友都話下唔會啦 主要係睇你態度 同埋做過CS都唔代表一定好架啦!
同埋睇你淡唔淡定 有無笑容 大唔大方得體咁

我果時都準備左一堆問題同答案
成個final in都係用英文進行 但為方便我打同大家睇 所以我以下都係打中文 :)
1. 自我介紹
--都係介紹下讀咩呀 性格呀 同埋略略講下點解想做FA
2. 點解想做FA
--好多人係為去旅行而做 我就麻麻 因為我試過成年係歐洲做交流生 好多歐洲國家都去過 我係因為本身自己個科目同埋鐘意對人而做FA 但當然你係為去旅行而做ge 你都唔會答人因為你想去旅行啦 吹水題自己諗下點吹先合理啦 :)
3. FA職責同困難
--唔係淨係派餐派入境紙架 自己上網刨下國泰網同其他blog啦
--困難都係要適應jetlag呀無得同屋企人過節呀呢d
4. 點解適合做CS工?你都無做過
5. 如果國泰唔請你咁你會點?
6. 你ge好處/缺點
7. 點解國泰要請你?你有咩優勝之處
8. 講下你之前返果d part-time
9. 你覺得邊d係最難應付ge客人
10. 咩野係CS?

大概都係呢d啦 盡量預備架喳 都估唔到interviewer會問d咩架啦 :)
加上睇下國泰個網咁 其實都無咩幫助
因為佢係唔會問你國泰歷史呀願景呀計劃呀呢d
呢d問唻無用 因為INTERVIEWER想用最短ge時間去知你個人係點

除左準備問題同答案外 當然準備好一切文件!
你要好熟自己份CV 因為佢係根據份CV去問問題 :)
 d cert呀要帶齊 記得帶身份證同passport :)

做好一切心理準備去迎接真正ge interview :)

CX FA-Second in

係First in完左大約半個鐘後就Second in
差唔多到report time就係房出面等
first in前有約70人 大約有40幾50人pass啦

interviewer會唻叫名 叫完再跟佢入房
今次每組大概有12-13人 入到房後再分成兩組
interview叫Sue 似日本人 :) 佢好nice 係咁叫我地放鬆d 笑多d :)

Second in係discussion+present+role play 之前聽過有人second in係debate
我估國泰一時會係role play一時會係debate啦
咩模式都好 對我唻講都要盡力
兩組分別有兩個唔同ge角色 要就題目討論大概5分鐘 再present大約10分鐘

我果組係負責開一個水族館 題目大致係: you need to organize a community event of the new aquarium for underprivileged people
我地果組傾左: 係邊度開啦原因啦 咩類型ge community event啦 event包括咩活動啦 target邊d貧困人士等等
其實分左幾個大point後 再就每個大point諗具體方向
可以寫野係佢提供ge紙仔 但present時我地個interviewer叫我地唔好望紙仔
所以我提議大家盡量用個腦記低自己要講d咩
然後就要分邊個負責講邊樣 分左之後自己再諗下有咩可以加同點present
傾果時都係要主動d 有禮貌d 唔好霸晒全個討論
要比時間其他組員出下聲 要互相幫忙要笑

到present果時 interviewer今次只會set一個10分鐘ge timer
所以每個人大約只能夠present分零鐘
千其唔好一個人霸晒講成兩分幾三分鐘呀
咁樣對你絕無幫助 最好自己講之前要多謝上一個組員 講完之後話pass比下一個組員咁啦
講果時又係要笑要有眼神接觸 唔好望紙仔 要有信心
都係果句啦 英文唔係最重要 唔洗太介意自己d英文唔好呀口音差咁

一組present完後就到另一組
另一組係負責招待一個由法國唻ge交流生

兩組present晒之後 interviewer就會將每組入面ge人再細分為兩個人一組
因為兩個人要夾做一 pair咁去做role play
例如我同amy仍然係水族館負責人 但就要處理唻自負責招待法國交流生果組ge其中兩個人扮ge水族館顧客ge投訴 (希望你明我講咩啦哈哈)
係要扮演點樣處理投訴前 對面組會同你講個投訴係咩
我同我partner要負責處理ge係: My friend hurt the ankle in the aquarium
咁我地就有1分鐘同返我地自己組ge人商量點處理呢個投訴
1分鐘後就係正式role play時間

對面組扮投訴ge顧客會加多少少situation比你
例如佢點樣整親呀 扮到好嬲呀好不滿呀 要求你賠償呀咁
咁你就要同partner就情況去處理顧客投訴
我地都係不停道歉啦 話明白你個情況 我地好對唔住呀 點樣賠償呀咁
其實我覺得interviewer唔會著重你個處理方法係咪真係可行
而係睇你個態度 睇你點道歉睇你點回應顧客睇你有無聆聽顧客需要
保持笑容又係十分重要ge
一pair做完就到另一pair 如果有時間的話 interviewer會係你地role play完後問下你覺得有無可以改善ge地方 亦都會問下其他人意見 當傾下計咁
直至所有人都扮演過投訴顧客同處理投訴ge職員
咁second in就完架啦 :)

同first in一樣 先叫名ge都係被foul ge
被foul ge又會收到張綠紙 當日我成組得一個人比人foul...
pass到second in ge就會收到黃色紙
紙上面寫左final in日子同時間 唔得閒ge最好當日即時同HR改

張紙仔一定要收好!因為上面寫左你final in要帶d咩同埋final in果日要係reception出示返呢張紙證明你係唻final in :)

完左second in後就放lunch lunch時同其他人傾下計交換下電話咁啦都係
大約兩點就返去做english assessment
果日計埋9:45am 果批 有大約30幾40人做eglish assessment啦

會有人帶你去電腦房做 跟足人地指示開電腦呀開programme咁

千其唔好做錯呀 尤其係佢話點樣submit份test果d步驟
有唔肯定一定要問人

首先係listening 每段錄音大概有幾分鐘 係外國人口音ge英文唻
最好邊聽邊睇題目邊做
因為d題目係錄音播完後唔會停係度比你揀答案
佢會自己跳落下一頁再播下一段錄音
無得去返前一頁帶返前一段錄音
盡量聽得專心d啦

完左listening就係到reading
我無記錯的話完左listening大概係兩點半
之後好似可以做reading果part做到大約四點

reading包括閱讀理解 字同解釋配對 搵同義詞等等
我做到大概三點十五分就走左

我記得係可以去返任何一頁再做
但我無咁樣 我跟返次序做 做完每頁再睇下就算
最後再睇多次就submit

English assessment對我唻講唔算難 因為我大學讀語文 都無試過好耐無用英文
但如果你中學畢業後已經好耐無用英文 或者英文一向好差的話
做下d練習先去考 ;)

in左成日 仲要做埋個emnglish assessment先叫做完左first in 同 second in
走果時好攰好攰
但接落唻又要準備先係真正ge interview: final in

不過都已經離你ge目標邁向左好大步架啦 :D

CX FA-First In

我interview時間係9:00am report地點係headland hotel
咩interview都好 千其唔好遲到 仲要早到!!!
我有朋友係國泰城train緊 佢好好咁約我係東涌地鐵站等再一齊搭s64去 :D

落左巴士要上天橋過對面 落左天橋後直行係國泰城大門
右手邊先係headland hotel 千其唔好入錯門口啦 :)
我果日八點十分就去到headland 所以坐左係lobby d梳化到等時間過
我個朋友好好咁帶埋我上一層 話比我知一陣係要坐係果度等
我依稀記得果個地方係係cafe隔離 有好多張櫈放左係度架 :)
落返梳化坐左一陣我朋友就走左啦 之後我就一個人同其他都係唻interview ge人等
當然唔好坐到死蛇爛蟮咁 坐返直少少
你喜歡ge可以同坐你隔離d人寒喧下 問下不如一陣一齊上去
我都有問我隔離個女仔 :) 就咁坐係度始終有d奇怪

近9點我地就一齊上左去果個地方等
無人會係lobby叫你上去架!所以近你個report時間就自己上定去坐係度等
等果時記得坐直d 唔好玩電話 笑下咁 同人細細聲傾下計
目測果日都有成70人
過左十五分鐘就有個人唻帶晒全部人去搭升降機上四樓

上左四樓後全部人入晒一間房
間房有d枱呀櫈呀咁 自己入到去搵個位坐低
坐定定後就會有人叫你依自己姓氏開頭ge英文字母排隊就張相同做arm reach test
有d人要補交CV 可能因為上網申請果時無upload啦 我就唔洗補交
交野果時又係記得講唔該呀thank you呀咁啦

做arm reach test當然要除鞋
國泰要求係208cm 我得157cm 係屋企試過係掂到ge!
矮少少ge朋友可以係屋企試左先 如果真係掂唔到就拉下筋啦係屋企 都有幫助ge
我掂之前覺得果日個208cm特別高!!!!
可能因為佢個208cm唔係用綫唻表示 係用一張紙唻表示
我當然掂到張紙 但唔記得掂到幾多lu
arm reach test 輕輕鬆鬆咁過左!

有兩個女仔第一次掂唔到
HR d人比機會佢地拉下筋最後再試過
一個掂到pass左 另一個就fail左要即刻走人了
返埋位拎張lable同筆寫你自己英文名再貼上自己件衫度
等今日d interviewers知你係邊個!

之後大家坐定定聽國泰小簡介
例如幾時成立啦 有幾多駕飛機啦 有幾多員工啦 slogan係咩啦
雖然對first in second in無咩幫助但都勁專心聽下
同埋唔笑都唔好黑口黑面咁坐係度

聽完briefing HR就會逐個叫英文名同話比你知你係第幾組第幾號
聽到自己個名係位度舉手加應人就ok
一定要好好記低自己幾組幾號!因為first in係跟呢兩組numbers架 :D

幾位interviewers就會唻帶唔同組別去唔同房做first in
一個interviewer負責一組 一組大概有13-14人啦
去到另一間房後 跟自己個號碼坐係相對應ge位
唔好坐錯呀 ;)

成組會分開兩枱坐 同你同一枱ge就係你要一齊合作ge組員!
千其唔好當其他人係你ge敵人呀競爭者
即使你真係覺得自己外表呀氣態呀勁過人地好過人地都好
呢一刻你地係同一組ge朋友!因為國泰係請d識同人合作ge人 唔係請獨家村!!

枱面上我記得已經放左d咭係度 interviewer未叫打開就唔好亂咁掂 :)
first in係discussion + group presentation
我果組果日條問題大致係 If Hong Kong is going to hold the Olympic Game, which sport would your group recommend to represent Hong Kong?
兩組條問題都一樣 只係比你揀ge運動唔同 討論時間我記得係5分鐘
我果組有volley ball, water polo, marathon, judo, rugby 等等
然後你要同組員傾一個次序出唻 姐係例如排球最先 水球最後 一人負責講一個運動!
傾緊果時interviewer會行唻行去睇你地傾成點 其實我都當佢透明
因為要投入同組員討論
記得要表現得有禮貌同笑 除左自己比意見外 人地ge意見亦要聽 唔好得你一個講晒
聆聽係十分重要!!!!
如果有意見不一ge時候 千其唔好太極端咁反對
到揀講咩運動時 千其唔好同組員嘈交 揀唔到自己想揀果個唔緊要 因為每一個選擇都一定有野講的
我d組員好好 大家傾左運動次序後就自己揀想講ge運動
完全無嘈過交

present時一人一分鐘 interviewer會逐個人set一分鐘timer比你預時間~
講果時同全部人保持眼神接觸 唔好只望interviewer 亦都唔好擔天望地
我讀語文ge 所以我唔怕講英文
英文唔太好ge朋友唔洗太緊張! 盡量輕鬆表達你想講ge野就ok
文法呀口音我覺得唔太著重 最重要係睇你有無自信 你pre唔presentable
同埋你有無笑!!!!!!!!!!!
自己present完都要專心聽其他人present 唔好好似唔關你事咁 :)

全部人present後interviewer就會計分
呢段時間大家都好緊張架啦
細細聲傾下計係ok ge :)
interviewer計完分會出聲
先叫名ge通常都係被foul

間房其實有兩棟門出到出面 前面一棟 後面一棟
interviewer先叫果堆名呢 都係係前門走ge (我應該無記錯)
interviewer叫完被foul果d會山左棟門先
咁餘下果d都應該係pass first in 可以入second in架啦 :D
我記得我果組果日foul左3-4個人
國泰無特定foul幾多架 佢覺得你應該留低就會比你留低!
pass first in ge人係收黃色紙 fail ge係係綠色紙

Fail ge人張紙上面應該會寫咩幾多個星期後先代表你fail
有d人會覺得自己仲有機會 國泰可以會再叫自己唻in
我本人覺得當直接fail就ok
因為咁多人唻in咁多人申請 一間大公司無必要叫返一個佢fail左ge人再唻in過一次
fail ge可以用六個月時間好好裝備自己!六個月後再唻過!

上面果張就係pass first in後你會收到ge紙!

張紙會寫左幾點開始second in
interviewer會話你知到時去返邊個地方等 :)
咁中間果段時間就去下廁所呀同其他人傾下計咁啦
唔好係公司入面周圍走啦 講野呀笑呀都唔好大大聲聲咁

下一篇再詳細講下second in係點 :)

準備First in + Second in

由我phone in到first in 中間隔大約9日 可以好好利用呢段時間做準備!

我問左好多朋友 (做緊同做過國泰FA ge都有) interview模式同要注意d咩
當然唔淨係問first in啦 second in我都問埋
因為兩個interviews係同一日進行 你朝早pass左first in的話 緊接落唻就係second in

頭髮呀衣著呀呢d都要好好準備 :)
我用左好多時間去研究點樣紥french twist同空姐髻!
我原本只打算梳條好整齊ge馬尾去就算 因為雖然我係長頭髮 但我係手殘 一向都唔識紥呢d髻!
但有個師姐叫我最好紥french twist去! 佢話比人印象好d 咁我梗係聽佢講啦 :D
咁紥髻去又真係整齊好多似空姐好多ge所以我上youtube煲左好多教紥french twist ge videos!
包括:
French twist tutorial updo for long, thick hair
EASY French Twist tutorial for long hair
睇人梳就好易咁 對於我唻講落手梳就真係好難 我果排真係不停梳日日梳
仲買左d頭髮用品同夾去幫手~

上面果兩個髮叉我係太子聯合買ge 無記錯間鋪頭係地面果層
$10有兩個! 個黑色蝴蝶結係我自己加落去架 :D
紥french twist用呢個叉一整就會好實 又唔洗逐隻髮夾夾住佢 好方便!

下面果樽我係太子李有記買
老闆介紹架 :D
我問佢有無d野搽左上頭髮之後d頭髮會痴埋d唔會散但又唔係要hairspray好硬果款效果
總之要條辮紥出唻會順d整齊d
老闆就介紹左呢款 仲話好多空姐都用 我就話係呀!我去考空姐!
比錢果時佢仲祝我成功 希望第日坐到我班機 :D

最下面粉紅色果樽係髮蠟 我係LOG-ON買
可以gel實d babyhair!整果時又唔係整污租手!好方便 :D

衣著方面我就無刻意準備
因為我有套suit同兩吋黑色高爭鞋
 first in同final in我都著同一套去haha

first in果日我見有女仔著條綿質灰色長裙加件類似tshirt咁...
成個樣好似啱啱跳完芭蕾舞ge女仔...
佢仲問我位朋友下唔係smart causal就ok咩
我位朋友都唔知點答佢 因為佢成身連smart casual都唔算
直程係casual
如果唔知咩係smart casual 我提議都係著返suit去好d
因為實無死!

我亦都見有女仔著背心款緊身裙 或者背心加條pendulum skirt
係比平時出街斯文
但既然見工  不如都係著返套正正式式ge suit啦
去G2000買件平平地ge白色恤衫加條黑色裙就OK
裙就當然唔好太短啦 高爭鞋兩吋好就OK 無的話著對平底鞋去都可以

男仔著suit啦都係
仲有一定要gel頭!!!!!!!!!!!
我見有d男仔披頭散髮咁
FA係一份好睇儀表ge工唻 
你唔gel頭的話 幾靚仔都無用

女仔就最好帶con同化妝啦 :)
我本人一向唔戴大眼仔 只戴普通近視con
化妝係化全妝 姐係base+foundation+powder+eye shadow+cheek powder+lipstick
化啡色就實無死 胭脂呀唇膏呀唔洗太誇張 :) 唇膏我用Benefit Nice and Teasy 鐘意佢夠潤同自然 :)

衣著呀髮型呀化妝呀都準備好
另外當然要有好好ge心理準備!
下一篇會著重講interview模式+應注意事項 :)

國泰Flight attendant phone in

係夜晚十點幾上網申請左flight attendant之後
第二日朝早十一點幾已經收到電話!
完全無諗過會咁有效率 我以為要等返兩三日先收到電話 -_-

係我啱啱訓醒又無準備過ge情況下就聽左呢個電話
電話開頭係2747 所以交左網上申請後要留意下自己有無收到呢個電話啦 :)
Miss左call的話 佢應該會留言比你 如果無ge 直接打返比佢就OK

首先HR會同你對下個人資料
名呀出生日期呀電話呀身份證號碼呀呢d
之後佢就會叫你用30秒至1分鐘用英文介紹下自己
其實HR都係聽下你識唔識講英文 唔洗太過著重內容講d咩
咁當然都唔好自我介紹你係屋企排第幾呀 住係邊呀 有無養貓狗呀呢d啦
可以講下你係邊度畢業讀咩科 講下自己咩性格 略略講下點解申請呢份工
講差唔到1分鐘就可以架啦 唔好太短唔好太長 又唔洗緊張到要time實1分鐘ge~
最後當然要講thank you啦!

照道理人人都會pass phone in
我果時上網刨forum呀睇人地d blogs都無見過有人話pass唔到phone in
除非你真係完全唔識講英文啦
所以唔需要太緊張 :)

之後HR就會約你幾月幾日first in 同埋要帶d咩
如果佢比個日子你唔OK 你照直同人講就得架啦
佢會比另一日你!

記得慢慢聽人地講 搵紙筆寫低重要資料!
我份人比較心急 我記得我插過一兩次咀confirm資料
HR小姐之後叫我: 你等我講晒你先問問題啦~
所以千其唔好心急同插咀呀 慢慢聽人地講就OK :D

記得成個傾談中要保持禮貌
有咩問題都要問
盡量唔好改INTERVIEW個日子啦!

之後就可以準備First in啦 :)

網上申請國泰flight attendant

其實做空姐並唔係我由細到大ge夢想職業
我只係知自己唔想做一d朝9晚5坐係寫字樓ge工 亦都唔想一日到黑對住部電腦
所以Final year時先諗過下不如考空姐啦

而我亦決定只考國泰 其他航空公司一概唔會考
一唻因為國泰係香港最有規模最大型ge航空公司 去最多outports
橫掂做空姐點都辛苦ge 梗係考間去最多地方架啦!
二唻因為空姐唔係我ge夢想職業 考唔到國泰就算 去搵其他工

國泰曾經係今年2月果時舉辦招聘日
招聘日唔需要上網申請 果幾日親身直接去國泰城排隊拎籌等面試就可以
我都曾經考慮過去唔去 但果時又未畢業 加上國泰一年到晚都請人 所以最後無去到

去完畢業旅行後我就網上申請國泰空中服務員職位
網上申請link <-- 我直接整左條link係度 等大家唔洗煩 :D
開左出唻就係下圖 直接按有紅色線果度就可以申請架啦



















申請果時當然要睇清楚d 確保所有資料都正確!
交左申請之後你就會收到一封確認email
唔洗覆 甚至係唔洗理佢~

然後就等國泰HR打比你同你phone interview啦 :)

飛熊簡介

大家好 :D
我係一位準國泰空姐 
雖然未開始飛 亦都未開始training 但都開始為返呢份工作準備!

我見好多空姐都有隻flying buddy陪自己周圍飛
所以經過一田見有Craftholic booth都決定買返隻陪自己!

我揀左呢隻間條熊仔(其實係我爸爸負責比錢送比我的 :p)
每買一隻公仔我都會幫佢改個名 而爸爸就提議叫佢做飛熊 佢好少會比d咁好ge提議 所以就決定用呢個名啦!

係收到國泰offer call後就心思思想寫blog分享下面試經歷同少少心得 亦都想記低日後飛行生活~

最後決定用飛熊身份去開呢個blog :D
我第一次寫blog 希望大家多多支持 :D